🌿🪻😍🪔लाडके इमोजी!🪔😍🪻🌿

🌿🪻😍🪔लाडके इमोजी!🪔😍🪻🌿

जागतिक इमोजी दिवस! 

१७ जूलै! 

इमोजी!

आजच्या जगातील सगळ्यांच्या 

जीवनातील महत्वाचा भाग म्हणजे,

इमोजी!

शब्दांपेक्षा जास्त उठावदार आणि

परिणामकारक पद्धतीने 

एका व्यक्तीच्या भावना दुसऱ्या व्यक्ती पर्यंत 

पोहोचविण्याचे माध्यम,

इमोजी!

अगदी सारे विश्वच इमोजीमय झाले.

लहान-थोर सारेच यांच्या प्रेमात पडले.

या सगळ्याला मी अपवाद नाही.

किंबहुना, मी तर अगदी आकंठ बुडालेच 

इमोजीच्या प्रेमात!

त्यांचा वापर केल्याशिवाय मला एकही निरोप 

पाठविणे अशक्य आहे.

इतक्यावरच हे थांबले नाही तर,

मला हे इमोजी हाताने कागदावर 

रेखाटण्याची इच्छा झाली.

आणि मग मी मला आवडणारे काही 

इमोजी कागदावर रेखाटले आणि 

त्यात रंग ही भरले, मूळ इमोजी प्रमाणेच.

आज दिन विशेष,

विश्व इमोजी दिवस!

या निमित्ताने मी रेखाटलेले हे इमोजी 

खास आपल्या सगळ्यांसाठी,

आनंदी पावसाच्या,

चित्रं मालिकेत!

भावना!

त्या व्यक्त करणे ही,

मानवाची मुलभूत मानसिक गरज!

आणि या मुलभूत गरजेतूनच कलांचा जन्म झाला!

आज सगळे जगच आभासी व्यासपीठावरून 

परस्परांशी संपर्कात असतात.

त्यातून या इमोजीचा जन्म झाला.

मानवाची मुलभूत मानसिक गरज!

या गरजेकडे प्रत्येकाने पुरेसे लक्ष दिले,

वेळोवेळी, गरज असेल तेव्हा आपापल्या भावना 

व्यक्त केल्या, तर परस्परांतील गैरसमज दूर होण्यास मदत होईल.

किंबहुना गैरसमज होणारच नाहीत.

सगळी नाती, सगळ्या प्रकारचे 

परस्पर संबंध अतिशय 

सुदृढ, निरोगी आणि घट्ट होतील!

या इमोजी ची पार्श्वभूमी, इतिहास 

फार मोठ्ठा आहे.

अगदी आदी मानवा पासून सुरु होणारा.

म्हणजेच 

प्रागैतिहासिक काळापासून सुरु होणारा.

त्याबद्दल सविस्तर लिहेनच नंतर कधीतरी,

नक्कीच!