दळणं (घरातील गमती जमती) या सगळ्या म्हटल्या तर खूप छोट्या छोट्या गोष्टी आहेत. म्हटल्या तर फार महत्वाच्या आणि मोठ्या आहेत. पण आता हे सगळं आठवतांना छान वाटतेय आणि आजच्या आयुष्याशी तुलना करतांना त्यातील मेहनतीची आणि कष्टाची खूप जास्त तीव्रतेने जाणीव होतेय. कारण आताचे जग म्हणजे पैसे दिले किंवा एक बटन दाबले की लगेच काम होते. सगळ्या मोठ्या मोठ्या गोष्टींचे दस्तावेजीकरण होतेच, पण अशा छोट्या वाटणाऱ्या, पण खऱ्या तर मोठाल्या गोष्टींचे सुद्धा दस्तावेजीकरण करणे मला आवडते आहे आणि तितकेच महत्वाचे वाटते आहे. कारण अजून एक दोन पिढ्यांनंतर या गोष्टी करणारे सोडाच, पण बघितलेले सुद्धा कुणी असेल असे मला वाटत नाही. त्यामुळे पुढच्या पिढ्यांना तर हे सगळे कळणे शक्यच नाही. ...
🐟🦅🐊 रंगनथेट्टू-२🐊🦅🐟 ( गोष्टी माझ्या पर्यटनाच्या... ) "मी शांत होण्यासाठी, बरे होण्यासाठी आणि माझ्या इंद्रियांना शांत करण्यासाठी निसर्गात जातो." -जॉन मुइर भाग १ मध्ये या ठिकाणाचे स्थान कुठे आहे, हे सांगितलेलेच आहे. बऱ्याचदा आम्हाला आमच्या कामाच्या व्यापातून थोडा विराम हवा असेल, तर आम्ही तिकडे जातो. यावेळी मात्र, आमच्याकडे घरातीलच नवविवाहित जोडी त्यांच्या शैक्षणिक परीक्षेच्या निमित्ताने आलेली होती. त्यांना एक दिवस थोडा मोकळा होता. मग त्यांनाच विचारले, कुठे भेट द्यायला आवडेल तुम्हाला? एखादे मंदिर, की राजवाडा, की एखादे उपवन, की अजून दुसरे आहे. त्यांनी पक्षी-उपवनाला प्राधान्य दिले. मग अर्थातच आम्ही त्यांना रेंगनथेट्टू या स्थळ-भेटीला घेऊन गेलो. दिवस रविवारचा, त्यात शालेय सुट्टीचा शेवटचा दिवस, त्यामुळे वाहन तळ गच्च भरलेला होता. वाटले आत तर भयंकर गर्दी असेल. तथापि हे उपवन बऱ्याच मोठ्या क्षेत्रात पसरलेले असल्याने तसे काही तेथे होण्याच...