🌿🌿🌿टवटवीत पालवी🌿🌿🌿(चित्रं मालिका)

🌿🌿🌿टवटवीत पालवी🌿🌿🌿 

(चित्रं मालिका)

🌿🌿🌿

पाऊस 

पहिला पाऊस 

पावसाचा शिडकावा 

अगदी थोडा वेळच झाला 

तरी 

एक-दोन दिवसातच सर्वत्र 

छान कोवळी, टवटवीत पालवी 

फुटलेली बघायला मिळते

ही टवटवीत, हिरवीगार

पालवी दृष्टीस पडली की 

मन, हृदय, मेंदू सारेच क्षणात 

टवटवीत होऊन जाते

अगदी ताजे तवाने वाटते 

 निसर्ग, पर्यावरण

प्राणी, पक्षी 

सारेच आनंदून जातात 

एकमेव कारण   

म्हणजे 

पाऊस!

आनंदी पाऊस!!

आज 

अशीच टवटवीत पालवी 

मी रेखाटलेली,

निरनिराळ्या पद्धतीने रेखाटलेली 

छान हिरवीगार! 

🌿🌿🌿

🌿ही अशी संयुक्त पद्धतीची, चिंचेची, गुलमोहर किंवा लाजाळूच्या पानांसारखी छोटी-छोटी पानं फार आवडतात, अगदी मनापासून आणि खूप. इतकी की मी कुठेही, कुठल्याही माध्यमात नक्षी काढायची असली तर, मी ही छोटी-छोटी पानं रेखाटतेच. हीच पानं कागदावर रेखाटली, वेगवेगळ्या वेळी, विविध पद्धतीने रेखाटलीत. 🌿

🌿दक्षीण भारतात तांबडी माती बघायला मिळते सर्वत्र. या मातीवर अश्या प्रकारची कोवळी, हिरवी-हिरवी पालवी पडली तर किती सुरेख दिसेल ते दृश्य, असे मनात आले. मनात आले आणि लगेचच रेखाटून पाहिले. परिणाम स्वरूप हे चित्रं.🌿

🌿मध्य प्रदेशात मांडू येथे असलेला जहाज महाल. अतिशय उत्तम जल-व्यवस्थापन! कलात्मक सुद्धा! तेथेच एके ठिकाणी पावसाचे छतावरून पडणारे पाणी दोन वेगवेगळ्या ठिकाणी वळवण्यासाठी, चक्राकार जलवाहिनी आहे. ते बघितल्यावर ती चक्राकार जलवाहिनी, मी विविध पद्धतीने रेखाटली. तथापि मला वाटले, ही छोटी-छोटी संयुक्त पानं सुद्धा अशा चक्राकार पद्धतीने रेखाटावी. रेखाटून झाल्यावर क्षणभर, चक्रव्यूहाचा भास झाला. तुम्हालाही झाला का?🌿

🌿चक्राकार पद्धतीने रेखाटल्यावर असेच पण आयताकृती पद्धतीने ही पानं रेखाटावीशी वाटली. 🌿

🌿माझ्या एका कल्पनेत एक मोठ्या पानाच्या शिरांना सुद्धा अशी छोटी-छोटी संयुक्त पालवी फुटली. 🌿

🌿🌿🌿ll पर्णापणमस्तु ll 🌿🌿🌿

🌿🌿🌿🌿🌿🌿🌿

🌿🌿🌿🌿🌿

🌿🌿🌿

🌿

आनंदी पाऊस 

(चित्रं मालिका)

१४ जून २०२४