🐈माऊ🐈‍⬛१ (चित्रं मालिका)

🐈 माऊ🐈‍⬛१  

(चित्रं मालिका)

   

            लेकीचा वाढदिवस काही दिवसांवर आलेला होता . अर्थातच तिला , तिच्या आवडीचे काय द्यावे , याचे मनात विचार चालू होते . काहीतरी खास द्यावे असे वाटतच होते , नेहमीच सगळ्यांना वाटते तसे . पण सुचतच नव्हते . मुलं लहान असली , की त्यांना पटकन काहीही आवडते आणि खुश होऊन जातात . पण जसजशी मोठी होऊ लागतात तसे त्यांना खुश करणे पण कठीण होत जाते . त्यांच्या खास दिवशी त्यांना काय खास करून खुश करावे , समजेनासेच होते . पण आता परत तिच्या लहानपणीच्या आवडीची गोष्ट करून बघावी असे डोक्यात आले . 

                  ती गोष्ट म्हणजे मी हाताने काढलेली चित्रं तिला भेट द्यायची . पण अशा दिवशी ती चित्रंही तशीच खास हवी . मग एकदम विचार मनात चमकला ! तिला मनीमाऊ खूप आवडतात !! मग म्हटलं , चला ती जितक्या वर्षाची होणार त्या दिवशी , तितक्याच मनीमाऊ ची वेगवेगळी चित्रं काढून तिला द्यावी !!! स्वतः वरच खुश होऊन लगेचच लागले मी कामाला . तिला द्यायच्या तितक्या मनीमाऊ ची चित्रं काढून झाली . पण त्याकाळात मलाच मनीमाऊ ची चित्रं काढण्याचे वेड लागले . त्या एका महिन्यात जवळ जवळ चाळीस तरी चित्रं काढली , फक्त मनीमाऊ ची . त्यातील काही चित्रं आज खास तुमच्या सगळ्यांसाठी ! 

©️आनंदी पाऊस 

(चित्रं मालिका )

२जून २०२२