👯💃 विशेष अतिथी 💃👯(काही अनुभवलेलं...)

👯💃 विशेष अतिथी 💃👯

(काही अनुभवलेलं...)

दिनांक - ५ फेब्रु २०२५ 

वेळ - सायंकाळी ५ वाजता 

स्थळ - ग्लोबल इंग्लिश मिडीअम स्कूल, नशिराबाद 

शाळेचे वार्षिक स्नेह संमेलन!

साऱ्यांनाच खूप उत्सुकता असते.

विद्यार्थी, पालक, शिक्षक, मुख्याध्यापक, शिक्षकेतर कर्मचारी आणि आमंत्रित.

साधारणपणे, प्रत्येकाला आयुष्यात दोन भिन्न काळातील वार्षिक स्नेह संमेलनाचा आनंद अनुभवायला मिळतो.

एक म्हणजे स्वतः शाळेत असतांना 

आणि दुसरे म्हणजे अपत्याच्या शालेय जीवनातील काळात.

तथापि मला या व्यतिरिक्त सुद्धा हा आनंद नुकताच अनुभवायला मिळाला, 

अगदी अनपेक्षितपणे...

एका शाळेत वार्षिक संमेलनाची विशेष अतिथी म्हणून!

तेही, आमचे मूळ गाव असलेले गाव म्हणजे नशिराबाद येथे!

अगदी स्वर्गीय सुंदर असा अविष्कार-अनुभव!

आपल्याला आयुष्यात कुठे नी कुठे सन्मान मिळतो,

आपले कौतुक होते. 

या सगळ्याचा आनंद असतोच!

तथापि आपल्या मूळ गावी,

आपलेपणाने विशेष आमंत्रित करून,

सन्मानपूर्वक विशेष अतिथीच्या आसनावर आसनस्थ केले जाते,

तो आनंद शब्दांत व्यक्त करणे केवळ अशक्य आहे...!

असा आनंद अनुभवण्याची संधी मिळण्यास परमभाग्यच असावे लागते!!

परमेश्वराचे अनंत आभार, हा क्षण अनुभवण्याची संधी दिल्या बद्दल!!!

प्रथेप्रमाणे सविस्तर ओळख करून देऊन पुष्पगुच्छ देऊन भरगच्च स्वागत झाले.

प्रमुख पाहुणे आणि विशेष अतिथींच्या हस्ते सरस्वती पूजन, दीप प्रज्वलन करून कार्यक्रमाचे उद्घाटन झाले! 

शाळेच्या मुख्याध्यापक महिला, शिक्षक महिला, प्रमुख पाहुण्या महिला आणि विशेष अतिथी सुद्धा महिला!

अतिशय आनंदाभिमानाने मन भरून आले होते! 

मुख्य पाहुण्या दोन शब्द बोलणारच होत्या, तथापि मी मात्र नकार दिला.

कारण माझे शालेय दिवस आठवले आणि त्या वयात ते 'दोन शब्द' किती नकोसे वाटत असतात अशा वेळी, ते आठवले.

परंतु, "आनंदी पावसाचे" काही वाचक तिथे होते. त्यांना आनंदी पावसाचे मनोगत ऐकायचे आहे, अशी त्यांच्या कडून मागणी झाल्यावर, 

मात्र मी "आनंदी पावसा"संबंधी आणि वारसा, वारसा जतन याबद्दल दोन शब्द व्यक्त केले.

आवडत्या विषयावर संवाद साधायला मिळाल्याचा आगळाच आनंद मिळाला.

वार्षिकोत्सव, त्याचे नियोजन, शिस्त, विषय याबद्दल प्रचंड कौतुक वाटले.

शाळेतील शिक्षकांचे अपार कष्ट, मेहनत स्पष्टपणे दृष्टीस पडत होती. 

सोबतच सर्वच शिक्षकांचे मराठी, हिंदी, इंग्रजी तिन्ही भाषांवरील प्रभुत्व पाहून आश्चर्यचकितच झाले. 

मुलांचा उत्साह तर ओसंडून वाहत होता, पण शिस्तीचे मात्र कसोशीने पालन होत होते.

कुठे गडबड नाही, गोंधळ नाही.

ठरल्याप्रमाणे सर्व कार्यक्रम पार पडत होता. 

पालक-प्रेक्षकांसाठी, दोन नृत्यांच्या मधल्या वेळात, कार्यक्रमाशी संबंधित छोटे-छोटे प्रश्न विचारून,

अतिशय मनोरंजक असा प्रश्न मंजुषेचा कार्यक्रम राबविला गेला होता. 

आणि साऱ्यांनीच अतिशय उत्साहाने प्रतिसाद देऊन कार्यक्रमाला बहार आणला होता!

सरते शेवटी कार्यक्रम संपल्यावर आमंत्रित पाहुणे, शिक्षक, इतर कर्मचारी, साऱ्यांनाच, 

मस्तपैकी गरमागरम फोडणीची खिचडी, ताकाची कढी, काकडी, मुळा, कांदा, लोणच्याची मेजवानी मिळाली!

मी तर येथेच्छ आडवा हात मारला, रात्रीचे जेवण असून दोन घास जास्तच खाल्ले!

या चविष्ट संध्याकाळची चव अजूनही रेंगाळत आहे...

ही स्वर्गीय सुंदर संध्याकाळ अनुभवण्याची संधी दिल्याबद्दल शाळेच्या मुख्याध्यापिका @vrushalimahajan यांचे खूप सारे सप्रेम आनंदी धन्यवाद!  

शाळेचे गुणी आणि गोड कलाकार!

शाळेचे शिक्षक आणि आमंत्रित!

भरत नाट्यम् कलाकार!

भरगच्च स्वागत!

आनंदी पावसाचे मनोगत!

दीप प्रज्वलन!

काही नृत्य झलक!

👯👯👯👯👯👯👯

👯👯👯👯👯👯

👯👯👯👯👯

👯👯👯👯

👯👯👯

👯👯

👯

©️®️आनंदी पाऊस 

(काही अनुभवलेलं...)

१२ मार्च २०२५