🌳वृक्ष वल्ली आम्हा सोयरे वनचरे...४🌳 (चित्रं मालिका)

🌳वृक्ष वल्ली आम्हा सोयरे वनचरे...४🌳 

(चित्रं मालिका)

झाड!

शब्द फक्त 

 उच्चारला,

वाचला,

ऐकला 

तरीही 

एक प्रकारचा छान 

हिरवागार थंडावा 

जाणवतो,

अनुभवास येतो!

व्यक्तीशः मला झाडं फार आवडतात.

तथापि मी वृक्ष लागवड वगैरे केलेली नाही, कधीच.

तथापि मी वेगवेगळ्या माध्यमांतील झाडं बघते, 

निरीक्षण करते. 

म्हणजे अगदी नैसर्गिक झाडं-झुडूप, लता-वेली, 

निरनिराळ्या लोक-कलांतून चित्रित केलेली,

आदिमानवापासून ते आजच्या आधुनिक मानवापर्यंत सगळ्यांची.

तसेच,

निरनिराळ्या मंदिर, गुंफा मधील  

शिल्पांच्या माध्यमांतील त्रिमितीय,

अशा सगळ्या प्रकारची.

त्यानंतर ती झाडं मी जशीच्या तशी किंवा 

माझ्या पद्धतीने कागदावर रेखाटते.

ही क्रिया अगदी अखंडपणे चालू असते.

आज त्यातीलच काही झाडं!

सांझी कागद कात्रण कला

लहान मुलांच्या गोष्टीच्या पुस्तकांत,

हे झाड बघायला मिळाले, खूप आवडले.

मग काय, लगेचच मी सुद्धा काढले.

ठाणे जिल्ह्यातील वारली कला, 

या शैलीत सुद्धा खूप निरनिराळ्या पद्धतीची 

झाडं काढली जातात. त्यातील एका पद्धतीचे झाड.

"रुद्राक्ष झाड"

मधुबनी शैलीतील झाड.

ह्या झाडाला लगडलेली फळे मी या 

निळ्या रंगाच्या एका खास छटेतील दाखविली आहेत.

रुद्राक्ष फळं या रंगाची असतात. 

म्हणून मी या झाडाला, "RUDRAKSH TREE"

"रुद्राक्ष झाड" असे नाव दिले आहे.