🌿🌺आनंदी सोहळा-४🌺🌿(featured)

 🌿🪔🌺आनंदी सोहळा-४🌺🪔🌿

🌿🌺(featured)🌺🌿

🌿

🌿🌺🌿

🌿🌺🪔🌺🌿

🌿🌺🪔🪔🪔🌺🌿

🌿🌺🪔🪔🪔🪔🪔🌺🌿

🌿🌺🪔🪔🪔🌺🌿

🌿🌺🪔🌺🌿

🌿🌺🌿

🌿

"तू माझं म्हणणं मनावर घेतलंस , पुढे लिहीत राहिलीस, एक नाही-दोन नाही, तर चक्क चार वर्षं झाली, तू लिहीतच राहिलीस! फार आनंद वाटला. मी तर फक्त कारण ठरलो. बाकीचं राहू दे, पण तू तुझ्या आनंदासाठी तरी सतत लिहीत राहशील असं मात्र मला तेव्हा जाणवून गेलं म्हणून मी म्हणालो होतो की तू लिहीत रहा, लिहीत रहा. असंच लिहीत रहा आणि सगळ्यांच्या आयुष्यात आनंदाचा पाऊस पडू दे! 

माझ्या सदिच्छा!"

-चंद्रमोहन कुलकर्णी 

🌿🌺🪔🪔🪔🌺🌿

🌿🌺🪔🪔🪔🪔🪔🌺🌿

🌿🌺🪔🪔🪔🌺🌿

आनंदी पाऊस! या आनंदी पावसाची सुरुवातच थोर चित्रकार आदरणीय चंद्रमोहन कुलकर्णी सरांमुळे झाली. आनंदी सोहळा-४ त्यांनाच अर्पण करून, आजच्या आनंदाच्या क्षणी, त्यांच्या एका छानशा पुस्तकाचा परिचय,  आनंदी पावसाच्या माध्यमातून करून देते. 

प्रकाशचित्रं सौजन्य आदरणीय चंद्रमोहन कुलकर्णी सर! 

🌿🌺🪔🪔🪔🌺🌿

🌿🌺🪔🪔🪔🪔🪔🌺🌿

🌿🌺🪔🪔🪔🌺🌿

E Q  U   I    S     I      T       E!

या पुस्तकातीलच हा शब्द. 

मलाही खुप आवडला. 

आणि पुस्तक वाचुन झाल्या बरोब्बर माझ्याही मनात हाच शब्द आला! 

शब्द आणि चित्रं हे खरतरं दोन वेगवेगळे शब्द आहेत. 

पण या पुस्तकासाठी नाही. 

हे पुस्तक म्हणजे शब्दचित्रं आहे की चित्रंशब्द?

हे ठरविणे फारच कठीण आहे. 

पुर्वी, आपल्या अपरोक्ष घडुन गेलेल्या बऱ्याच प्रसंगांची वर्णनं आपण ऐकत, वाचत असतोच. 

काही वेळा ते प्रसंग आपल्या डोळ्यासमोर उभे सुद्धा राहतात. 

पण हे पुस्तक वाचतांना वाचक, चक्क त्या अनुभवाचा भाग होऊन जातो. 

स्वतःच तो प्रसंग अनुभवतो. 

कारण त्यातील बारकावे, लेखकाची अचाट स्मरणशक्ती!

तो प्रसंग, ठिकाण, व्यक्ती साधारणपणे सगळ्यांच्याच लक्षात राहते. 

पण एखादी व्यक्ती, त्याचे कपडे, कपड्यांचे रंग, बुट. 

एव्हढेच नाही तर त्याच्या सूक्ष्म हालचाली, चेहऱ्यावरील हावभाव, डोळ्यातील भाव, 

या आणि अशा कितीतरी गोष्टी आठवुन, त्या सगळ्या शब्दांत अगदी जीवंतपणे उतरविल्या आहेत. 

उदाहरणाचं द्यायचे झाले तर....... 

भारती विद्यापीठात, शर्वरी रॉय चौधरींना शील्प घडवितांना, मी याची देही, याची डोळा..... पाहीले..... अनुभवले!

एक खुप मनाच्या तळातील इच्छा पुर्ण झाली!

'पिच्चर' बघुन मान इतकी आखडली आहे, की अजून एक सुक्ष्म वेदना जाणवते आहे. 

शांताबाई शेळके यांची 'धुळपाटी' मध्ये छान भेट झाली होती. 

पण आता तर प्रत्यक्षात भेट झाल्याचा आनंद आहे माझ्या गाठीशी! 

साधारणपणे प्रसंगानुरूप भेट देण्याची प्रथा आहे. 

पण माझ्या बाबतीत मात्र थोडे वेगळे आहे. 

छान काही हाताला लागले की मी भेट म्हणून देते. 

या दिवाळीला माझ्या सगळ्या प्रेमाच्या व्यक्तींना भेट म्हणजे "बिटविन द लाईन्स"!

यावेळी छान काही हाताला लागले आहे आणि आसमंत उजळुन टाकरणारा दिव्यांचा सणही आहे. 

अगदी दुग्ध शर्करा योग!

'शुभोकामना!!!'

आनंदी पाऊस 

१०नोव्हे २०२०

🌿🌺🪔🪔🪔🌺🌿

🌿🌺🪔🪔🪔🪔🪔🌺🌿

🌿🌺🪔🪔🪔🌺🌿

"बिटविन द लाइन्स" 

पुस्तक येण्या आधी थोडी कल्पना होती की चंद्रमोहन कुलकर्णी सरांचे एक पुस्तक येतेय लवकरच, स्वतः सरांकडूनच कळले होते. नवरात्र-दसरा​२०२० दरम्यात प्रकाशित झाले. आधी सोशिअल मीडिया वरच बघायला मिळाले आणि नावही तेव्हाच नीट कळले. सर, मूळ चित्रकार आहेत, आज पर्यंत अगणित पुस्तकांना त्यांनी मुखपृष्ठ दिलेले आहे. त्यामुळे त्यांच्या पुस्तकाबरोबरच, पुस्तकाच्या मुखपृष्ठाची सुद्धा तेव्हढीच उत्सुकता होती मला. छानच आहे! पण त्याबद्दल एक महत्वाची आणि थोडी अनपेक्षित माहिती मिळाली. ती म्हणजे हे मुखपृष्ठ त्यांनी केलेले नाही, तर ते त्यांच्या गणितात पीएचडी केलेल्या लेकीने केलेले आहे!

पुस्तक बाजारात उपलब्ध झाले आहे, हे कळताच पंकज क्षेमकल्याणी(राजहंस प्रकाशन) सरांच्या मागे तगादा लावला, पुस्तकासाठी. दरम्यानच्या काळात सरांकडून विचारणा झाली, कसे वाटले पुस्तक, आवडले का? पण सरांना सांगावे लागले​, पुस्तक मिळायला उशीर होतोय, त्यामुळे पुस्तक अजून हातातच पडले नाही. 

             शेवटी बऱ्याच प्रतीक्षेनंतर एकदाचे पुस्तक हातात पडले! वाचायची घाई खूप होती, पण लवकर वाचून संपून जाईल, ही भीती जास्त वाटत होती. पुस्तक काय आहे?, हे माहिती नसल्याने ते पेलेल का आपल्याला, ही एक शंका सुद्धा होती. वाचायला थोडी सुरुवात सुद्धा केली. पण थोडे वाचल्यावर परत पुस्तक बंद करून ठेवले आणि नंतर जरा निवांत वाचू, असे मनाशी ठरविले. पण साधारण आठ-दहा दिवसातच सरांचा निरोप आला, पुस्तक वाचून झाले असेल, तर त्यावर पंधरा-वीस ओळी लिहून ​देऊ शकते का? मी एकदम दचकलेच. कारण "आनंदी पाऊस" लेखन सुरु होऊन फारच थोडा काळ झाला होता. त्यापलीकडे मी दुसरे काहीही लेखन केले नव्हते. पुस्तकं परिचय/अभिप्राय तर फक्त वाचले होते, काही पुस्तकांचे. तसे मी त्यांना सांगितले सुद्धा. तथापि त्यांनाच विश्वास वाटत होता मी लिहू शकेल, याबद्दल. त्यामुळेच खरतरं माझा आत्मविश्वास वाढला. 

                  मग अगदी परीक्षा असल्यासारखे, दररोज सकाळी उठून जमेल तितका वेळ ते पुस्तकं वाचत गेले आणि आठ-दहा दिवसात ते संपवले. त्या नंतर अजून काही वेळ घेऊन थोडा विचार-चिंतन करून हा अभिप्राय लिहिला, एक आगळेच समाधान मिळाले. सरांना पाठविला, थोड्याच वेळात त्यांचे उत्तर आले, छान झालेय! प्रकाशकांकडे(राजहंस प्रकाशन) पाठवून देतो. प्रकाशकांनाही ते आवडले आणि त्यांनी ते छापले सुद्धा! माझे लेखन प्रथमच छापील स्वरुपात आले! सरांच्या हातात त्याची छापील प्रत आल्याबरोबर, त्यांनी मला त्याचे प्रकाशचित्रं काढून पाठविले! त्याच दिवशी त्यांना कळविण्यात आले होते, "या पुस्तकाला मराठी साहित्य परिषदेचा उत्कृष्ट ललित लेखनासाठीचा  'निर्मला मोने पुरस्कार' जाहीर झाला आहे! लेखनासाठीचा सरांना मिळालेला हा पहिलाच पुरस्कार! तसेच या  पुरस्काराची सुरुवातच सरांच्या पुस्तकापासून झालेली! कितीतरी सुंदर योग एकत्र जुळून आलेले! "बिटविन द लाइन्स" म्हणजे "एक चैतन्यमयी शब्दचित्रं अनुभव!" आणि माझ्यासाठी एक स्वर्गीय अनुभवानंद!

🌿🌺🪔🪔🪔🌺🌿

🌿🌺🪔🪔🪔🪔🪔🌺🌿

🌿🌺🪔🪔🪔🌺🌿

                 आनंदी सोहळा-४! म्हणजे आनंदी पाऊस आज चार वर्षाचा झाला! हा आनंद शब्दातीत आहे. तरीही तो इथे शब्दरूपात व्यक्त करण्याचा हा प्रयत्न. शब्दोत्सवच जणू! अगदी माझ्या विचारा पलीकडला! कल्पने पलीकडला! एव्हढेच काय पण स्वप्ना पलीकडला! प्रत्येक मानव काही न काही स्वप्न बघतच असतो आणि हे स्वप्न खरे व्हावे ही त्याची मनापासून इच्छा असते. तथापि फारच अल्प स्वप्न पूर्णत्वास जातात, सत्यात उतरतात, वास्तव होतांना दिसतात. उर्वरित सारी स्वप्नंं ही स्वप्नच राहतात. या पलीकडे जाऊन काही वेगळेच घडते, आगळेच अनुभवास येते! ते म्हणजे आपण कधीही विचार केलेला नाही असे, कधीही कल्पना केलेली नाही असे, एव्हढेच काय पण स्वप्नही पाहिले नाही, असे काहीतरी दैवी, स्वर्गीय आपल्या आयुष्यात घडत असते, अनुभवास येते. माझ्या व्यक्तिगत बाबतीत बोलायचे झाले तर, असेच खूप काही मला अनुभवायला मिळते! अगदी स्वप्नातीत अशा गोष्टी घडत असतात. त्यापैकी एक म्हणजे "आनंदी पाऊस!" www.anandipaus.com

                      बऱ्याच वर्षांपासून म्हणजे जवळपास पदवी शिक्षण चालू होण्या आधीपासून मला लिहिण्याची इच्छा होत असे. मग डायरीत काही ओळी लिहिल्या जात, पण त्यातून माझे मलाच समाधान मिळत नसे. इच्छा आणि प्रयत्न अधून-मधून डोकं वर काढताच होते. तथापि म्हणावे तसे किंवा चार वाचक वाचतील असे, काही लेखन होत नव्हते. पण प्रत्येक गोष्टीला योग्य वेळ यावी लागते, हेच खरे! मधल्या काळात, लेखन कितपत डोक्यात होते, हे मी स्वतः सुद्धा सांगू शकत नाही. तथापि या सगळ्या लेखनाची सुरुवात झाली ती आदरणीय थोर चित्रकार चंद्रमोहन कुलकर्णी सरांमुळेच! ह्या लेखनाची सुरुवात कशी झाली याची थोडक्यात गोष्ट मी प्रस्तावनेत https://www.anandipavus.com/2019/08/blog-post_25.html लिहिलीच आहे. सरांच्या त्या पुस्तकाचे नाव "अक्षर!" या पुस्तकरुपी "अक्षर"चा  सुद्धा असाच कधीतरी एखाद्या खास प्रसंगी परिचय करून देईनच! 

                         लिखाण तर चालू झाले. काही लेख लिहून झाले. प्रत्येक लेख लिहून झाल्यावर सरांना व्हाट्स-अपच्या माध्यमातून वाचण्यासाठी पाठवत होते. त्यांच्या व्यस्त दिनचर्येतून वेळ काढून ते वाचत आणि त्यावर काही सुधारणा, सूचना देत. या सोबतच मी व्हाटस-अप वर दोन गट तयार केले होते, एक कुटुंबाचा आणि एक मोजक्या मित्र-मैत्रिणींचा. इतकेच वाचक, माझे लेखन वाचू शकत होते. एक दिवस सरांनीच विचारले, कुणाकुणाला पाठवतेस हे? हे लेखन जास्तीत जास्त वाचकांपर्यंत पोहोचायला हवे. व्हाटस-अप वर फार काळ टिकणार नाही. मी सांगितले पुरेसे लेखन झाल्या नंतर पुस्तकं रूपाने छापण्याचा विचार आहे. सर म्हणाले, "नंतर वगैरे काही होत नसते, जे काही आहे ते आत्ताच." एक मंत्रच दिला जणू! कायमचा मनात कोरला गेला आणि नेहमीच मदतीला धावून येतो. पुढे म्हणाले, एक ब्लॉग तयार कर आणि त्यावर हे सगळे लेखन प्रकाशित कर, म्हणजे जास्तीत जास्त वाचकांपर्यंत पोहोचेल. ब्लॉग शब्द तेव्हा मी पहिल्यांदाच ऐकला. मी विचारले हे काय आहे? मला अजिबातच माहिती नाही. मग त्यांनीच माहिती सांगितली.

                    त्यानंतर माझे मीच शोधून काढले सगळे, बरीच झगडले. सगळी माहिती गोळा केली, तो कसा, कुठे तयार करायचा सगळे नीट समजून घेतले. बरोबर चार वर्षापूर्वी "आनंदी पाऊस" ब्लॉग सुरु केला आणि सर्वात प्रथम प्रस्तावना प्रकाशित केली! पण पुस्तकं काढण्याची आस मनात होतीच/आहेच. तथापि दुसरी बाजू विचारत घेतली तर, पुस्तकं छापल्यावर, ते ही मराठी, फार वाचकांपर्यंत पोहोचू शकत नाही, हे लक्षात आले. पण "आनंदी पाऊस" आजपर्यंत जवळ-जवळ पासष्ट देशात पोहोचला/ वाचला गेला! हा आनंद शब्दांत व्यक्त करणे केवळ अशक्य. हा सगळा आनंद अनुभवायला मिळतोय तो केवळ आणि केवळ आदरणीय चंद्रमोहन कुलकर्णी सरांमुळेच! 

                         या सगळ्या साठी आदरणीय चंद्रमोहन कुलकर्णी सरांच्या ऋणातच राहणे आवडेल मला! तसेच आपण सगळ्या वाचकांच्या सुद्धा कायमचे ऋणातच राहीन. असाच आपल्या आशीर्वाद आणि शुभेच्छांचा आनंदी वर्षाव होत राहो...

  ll चन्द्रार्पणमस्तु ll 

🌿

🌿🌺🌿

🌿🌺🪔🌺🌿

🌿🌺🪔🪔🪔🌺🌿

🌿🌺🪔🪔🪔🪔🪔🌺🌿

🌿🌺🪔🪔🪔🌺🌿

🌿🌺🪔🌺🌿

🌿🌺🌿

🌿

(सर त्यांच्या कलाकृतीवर "चंद्र" अशीच सही करतात म्हणून  ll चन्द्रार्पणमस्तु ll )

🌿©️आनंदी पाऊस🌿

🌿(featured)🌿

🌿२५ ऑगस्ट २०२३🌿