🦋फूलपाखरू झालो रे... 🦋(चित्रं मालिका)

🦋फूलपाखरू झालो रे... 🦋

(चित्रं मालिका)

🦋फूलपाखरू झालो रे मी फूलापाखरू झालो !

फुलाफुलांचे पंख लावुनी बागेमध्ये आलो !🦋

🦋मऊमऊ माझ्या पंखांची, नक्षी सुंदर रंगांची

धुक्यात फिरता इकडे तिकडे दंवबिंदूंनी न्हालो🦋

🦋फुलाफुलावर बसतो मी, खुदकन गाली हसतो मी

डोळे मिटुनी थेंब मधाचे मिटक्या मारीत प्यालो🦋

🦋नकाच लागू पाठी रे, नका धरु मज हाती रे

क्रूरपणा हा बघुनी तुमचा मनोमनी मी भ्यालो🦋

🦋गीत : जगदीश खेबुडकर🦋 

 

🦋अगदी न कळत्या वयापासून प्रत्येकालाच फुलपाखरांचे वेड असते. त्यांचे झळाळते रंग, त्यांचे मोहक भिरभिरणे सारेच वेडावणारे! फुलपाखरांना बघयला तर आवडतेच, पण त्यांच्या मागे धावून त्यांना पकडावेसे ही वाटते. अर्थातच ते हातात येतच नाही, तरीही त्यांच्या मागे धावायला फार गम्मत येते/वाटते! शाळेत गेल्यावर बालभारती मध्ये वरील कविता शिकायला मिळते(मिळायची, आता नक्कीचे माहिती नाही) आणि मग पाठच होते ही कविता, कायमची! कुठलाही आनंदाचा क्षण असो, माझ्या मनात ह्या कवितेचे बोल येतातच! कधी मनातल्या मनात, तर कधी ओठातल्या ओठात, तर कधी अगदी मोठ्याने गाते, ही कविता! अतिशय आवडते मला, ती म्हणतांना खरच फुलपाखरासारखे हलके-फुलके होऊन वाऱ्यावर तरंगल्या सारखे वाटते मला! शब्दातीत असतो तो अनुभव आणि ते क्षण! आनंद कुठल्याही प्रकारचा असो, अगदी योग्य प्रकारे व्यक्त होतो, करता येतो! 

अशी ही फुलपाखरे! मला बघायला तर आवडतातच पण त्यांची चित्रं काढायची सुद्धा इच्छा होती. काही वर्षांपूर्वी मुहूर्त लागला आणि फुलपाखरांची ही काही चित्रं काढली. तीच आज खास आपल्या सगळ्यांसाठी! आशा करते आपल्या सगळ्यांनाही आवडतील आणि आपल्या काही खास आठवणी जाग्या करून, आपल्याला तो आनंदी क्षण परत अनुभवण्याची संधी मिळेल!🦋

🦋फुलपाखरू झालो रे मी... 🦋

🦋🦋🦋

🦋🦋🦋

🦋🦋🦋

🦋🦋🦋

🦋🦋🦋

🦋फुलपाखरू🦋 

फुलपाखरू, छान किती दिसते, फुलपाखरू!

या वेलीवर, फुलाबरोबर 

गोड किती हसते, फुलपाखरू.

पंख चिमुकले, निळे जांभळे.

डोळे बारिक, करिती लुकलुक,

गोल मणी जणू ते! फुलपाखरू.

मी धरू जाता, येई न हाता,

दूरच ते उडते, फुलपाखरू.

-ग.ह.पाटील 

🦋🦋🦋

शेवटची दोन फुलपाखरे अगदी सारखीच आहेत.

फक्त रंग वेगळे आहेत.

त्याचे झाले असे, लेकीला सुद्धा एक फुलपाखरात 

रंग भरायचे होते. 

मग तिलाही एक काढून दिले आणि त्यात तिने 

रंग भरले!

🦋🦋🦋

🦋🦋

🦋

©️®️आनंदी पाऊस 

(चित्रं मालिका)

३ ऑगस्ट २०२३