💃🕺बालं दिन-४ 🕺💃

 💃🕺बालं दिन-४🕺💃

         👯 काही वर्षांपूर्वी एकही दृक्श्राव्य माध्यम अस्तित्वात नव्हते, अगदी कुठल्याही प्रकारचे. काही काळा नंतर मात्र दृक्श्राव्य माध्यमाचा उगम आणि टप्प्या-टप्प्याने विकास होत गेला. यापैकी एक माध्यम म्हणजे दूरदर्शन संच. यावर मग आधी बातम्या आणि हळूहळू करत एक-एक नवनवीन कार्यक्रमांची भर पडत गेली. या कार्यक्रमातील एक म्हणजे लहान मुलांसाठी असलेला कार्यक्रम. तो म्हणजे निरनिराळ्या प्रकारच्या व्यंगचित्रांचे चलचित्रं. यात निरनिराळ्या व्यक्तिरेखांची भर पडत गेली आणि त्या बरोबरच त्यांच्याशी निगडीत कार्यक्रमांचीही, अगदी मालिकाच सुरु झाल्या. काही मालिका आठवड्यातून एकदा तर काही दैनिक मालिकाही सुरु झाल्या. नंतर तर इतका अतिरेक झाला की एकच मालिका दिवसातून दोन किंवा तीनदा सुद्धा प्रक्षेपीत केल्या जाऊ लागल्या. आजकाल तर अनेक वाहिन्या सोबत अगणित आभासी वाहिन्या(OTT) सुद्धा उपलब्ध आहेत. पाहीजे तेव्हा पाहीजे ते बघायची सोय!?!?👯

          👯तर सांगायचा मुद्धा या व्यंगचित्र चलचित्रां मध्ये आणि त्यातील निरनिराळ्या व्यक्तिरेखांमध्ये, त्यांच्या मालिकांमध्ये बालवर्ग तर रमून गेलाच. त्याबरोबरच सर्व वयोगटातील व्यक्ती सुद्धा त्यात अगदी रमून गेल्या. सगळ्या व्यक्तिरेखांना नावानिशी ओळखू लागल्या. मी सुद्धा लेकीसोबत या विश्वात काही काळ का होईना पण रमून गेले. अर्थातच मला त्या सगळ्या व्यक्तिरेखा कागदावर उतरवव्याश्या नाही वाटले तर नवल! या सगळ्या व्यक्तीरेखा, त्यांच्या चेहऱ्यावरील भाव-भावना, त्यांचे झळाळत्या रंगांचे कपडे साऱ्या साऱ्यांनी माझ्या मनावर एक प्रकारची मोहिनीच घातली. माझ्याही नकळत मी या साऱ्यांचे कागदावर रेखाटन केव्हा सुरु केले आणि केव्हा या रेखाटनांचे एक संकलनच तयार झाले मलाही कळले नाही. आता त्यातील बऱ्याच गोष्टी विसरल्या सारखे झाले आहे, परंतु व्यक्तीरेखा मात्र नीट लक्षात आहेत! आज बालदिनानिमित्त यातील मी रेखाटलेल्या काही व्यक्तिरेखा आपल्या भेटीस आलेल्या आहेत. तुमचेही या सर्वांच्या बाबतीत काही न काही अनुभव असतीलच, ते मला आणि आपल्या आनंदी पावसाच्या वाचकांना नक्की सांगा!👯

          👯आनंदी पावसाच्या साऱ्या वाचकांना म्हणजचे चौधरी सदनातील या विश्वव्यापी कुटुंबातील प्रत्येक सदस्याला बालदिनाच्या खूप साऱ्या सप्रेम, अवखळ, मिश्कील, खेळकर पण आनंदी शुभेच्छा! 👯

आनंदी पाऊस 

(बालदिन २०२५)