🪔शुभ चिन्हं आणि प्रतिकं🪔 (featured)

🪔🪔शुभ चिन्हं आणि प्रतिकं🪔

(featured) 

गोपद्म 

अंगणात किंवा देवाजवळ किंवा 

अन्य कुठे रांगोळी काढतो त्या ठिकाणी 

रांगोळीच्या वरच्या बाजूला डाव्या अणि 

उजव्या बाजूला ही गोपद्म अशा पद्धतीने 

किंवा दोन उभ्या रेषा, एक गोपद्म आणि परत 

दोन उभ्या रेषा किंवा दोन दोन उभ्या रेषांच्या 

मध्ये बाजू बाजूला किंवा वर खाली एक एक 

गोपद्म काढली जातात. 

कारण प्राचीन काळापासून गोमातेचे एक 

आगळे अणि महत्त्वाचे स्थान आहे, मानवी जीवनात. 

तिच्या प्रति कृतज्ञता व्यक्त करणे हा एक मुख्य हेतू! 

लक्ष्मीची पावलं निरनिराळ्या पद्धतीने रेखाटलेली 

लक्ष्मीची पावलं निरनिराळ्या पद्धतीने रेखाटलेली 

लक्ष्मीची पावलं साधारणपणे लक्ष्मी पूजनाच्या दिवशी 

काढली जातात. 

हल्ली तर फक्त लक्ष्मीच सर्वांच्या प्रेमाची झालीये, 

त्यामुळे या लक्ष्मी पावलांचा अनेक माध्यमातून 

सुळसुळाट झालेला दिसतो... 

सूर्य 

सूर्याचे प्रतीक म्हणुन असे सूर्य-मंडल 

रेखाटले जाते. 

अर्थातच सूर्या बद्द्ल आपला आदरभाव 

व्यक्त करून त्याचे पूजन करण्यासाठी. 

स्वस्तिक 

शुभ चिन्ह आहे हे. 

कुठल्याही शुभ प्रसंगी अणि 

प्रत्येक पूजेत हे काढले जाते. 

निरनिराळ्या माध्यमातून जसे की 

रांगोळी, कुंकू, ओले कुंकू इत्यादी. 

याचा फार प्राचीन इतिहास आहे. 

अर्थातच तो एका खास लेखातून 

येईलच आनंदी पावसात, लवकरच! 

 कलश 

म्हणजे एका लोट्यात पाणी घालून त्याच्या 

तोंडावर नागवेल किंवा आंब्याची पाने ठेवून त्यावर श्रीफळ म्हणजेच नारळ ठेवले जाते. हा लोटा मृदा पासून कनक पर्यंत कुठल्याही माध्यमातील असू शकतो. 

हे एक जल प्रतीक आहे. याबद्दलची सखोल माहिती या 

आधीच एका स्वतंत्र अणि खास लेखात आलेली आहेच! 

 घंटी किंवा घंटा 

ही सुद्धा हल्ली अगदी काच. काष्ठ, अशा माध्यमा पासून ते 

अनेक धातू किंवा धातू-मिश्रणा पासून बनविलेली असू शकते! 

(देवाला जागृत करण्यासाठी किंवा आपण मंदिरात आलोय किंवा पूजा करतोय हे सांगण्यासाठी! खरेतर आपण स्वतःच खऱ्या अर्थाने जागृत होण्याची, राहण्याची गरज असते! तो कायमच 

जागृतच असतो...)