ही श्रींची इच्छा! (चित्रं मालिका)

ही श्रींची इच्छा!

(चित्रं मालिका)

"हिंदवी स्वराज्य व्हावे ही श्रींची इच्छा!"

छत्रपती शिवरायांचे उद्गार. नुकतेच शिव राज्याभिषेक सोहळ्यास साडे तीनशे वर्षे पूर्ण झालीत. त्यानिमित्ताने सर्वत्र विविध कार्यक्रमांचे आयोजन केले गेले होते. आज माझा हा छोटासा प्रयत्न, हा खास दिवस अधोरेखित करण्याचा. 

शिवाजी महाराजांची आठवण झाली की आठवण होते ती त्यांच्या खास जीरेटोपाची! मोत्याच्या लडी असलेल्या! त्यांच्या प्रत्येक हालचाली बरोबर, त्याच लयीत हिंदकळणाऱ्या! एकदा असेच कधीतरी मनात आले आणि महाराजांचे दोन जिरेटोप मी रेखाटले! सोबतच मावळ्यांची पगडी सुद्धा! दोन्हीही अतिशय खास! स्वाभिमान, शौर्य, धाडस, प्रामाणिकपणा इत्यादींनी ओतप्रोत भरलेले! 

जिरेटोप!

जिरेटोप आणि मावळा पगडी!

तसेच काही काळ पूर्वी "ओम" रेखाटले होते, वेगवेगळ्या पद्धतीने प्रदर्शित केले होते. त्यानंतर मनात आले, असेच "श्री" सुद्धा रेखाटावे. पण थोडे वेगळ्या पद्धतीने! भारत हा अतिशय विविधतेने नटलेला देश आहे हे काही नव्याने सांगायला नको. या विविधतेचा एक भाग म्हणजे भिन्न-भिन्न भागात लेखनासाठी वापरत असलेल्या विविध लिपी! मीही सगळ्यांप्रमाणेच देवनागरी आणि नंतर इंग्रजी लिपी शिकले. शैक्षणिक आयुष्य संपल्यासारखे भासले. त्यानंतर त्यावर कधी काही विचार सुद्धा झाला नाही. पण नंतर कन्नड लिपी शिकले.(आता बऱ्यापैकी विसरले आहे.) अलीकडे खूप मोठ्ठ्या काळानंतर मोडी आणि ब्राह्मी लिपी सुद्धा शिकले. पण आता आंतरजाल मदतीला असल्याने बऱ्याच गोष्टी सोप्या झाल्या आहेत. याचीच मदत घ्यावी आणि थोडे वेगळे काही करावे असे मनात आले. लगेचच कामाला लागले. "श्री" वेगवेगळ्या लिपीत कसा लिहिला जातो ते पाहिले. ती-ती लिपी ज्यांना नीट माहिती आहे, त्यांच्या कडून चूक-बरोबर तपासून पाहिले. आणि घेतलेच रेखाटायला. पांढऱ्या कागदावर काळ्या पेनने रेखाटन करण्याचा माझा अगदी आवडता छंदच आहे. ती मूळ अक्षरे, निरनिराळ्या लिपीत रेखाटून त्यांना छान अशा नक्षीने सुशोभित करून प्रदर्शित केले. 

तेच चार लिपीतील चार "श्री" आज तुमच्यासाठी!

ही श्रींची इच्छा!   

 ll श्री ll -कन्नड लिपी 

श्री-तमिळ लिपी 

श्री-मल्ल्याळम् लिपी 

श्री-तेलगु लिपी 

आनंदी पाऊस 

(चित्रं मालिका)

८ जुन२०२३