भाग-१ (निवडक रा श्री मो )

 भाग-१ 

(निवडक रा श्री मो )

   सस्नेह नमस्कार!

 बऱ्याच दिवसापासून हे सदर चालू करावे असे मनात होते. तथापि काही कारणाने किंवा योग्य वेळ आणि मुहूर्त न मिळाल्याने राहून जात होते. पण आजच्या सारखा योग्य आणि सुंदर मुहूर्त असणे नाही. आज रा श्री मो म्हणजे माझे गुरु आंतरराष्ट्रीय कीर्तीचे इतिहास आणि पुरातत्व संशोधक, संस्कृती-पुरुष, ऋषीतुल्य डॉ.प्रा. रा श्री मोरवंचीकर यांचा जन्मदिवस! आज त्यांनी  ८४व्या वर्षांत पदार्पण केले आहे! त्यांना 🪔🌷🌷🌷उत्तम आरोग्य संपदा लाभो🌷🌷🌷🪔 अशा सप्रेम सदिच्छा व्यक्त करते! आणि निवडक रा श्री मो हे सदर आज पासून सुरू करते. 

त्यांचे खास आणि एकमेवाद्वितीय वैशिष्ट म्हणजे अतिशय सूक्ष्म, सर्वस्पर्शी अभ्यास, संशोधन! या अभ्यासावर, संशोधनावर त्यांनी अमाप लिखाण सुद्धा केले आहे, अजूनही करत आहेत. इतिहासासारखा बोजड आणि अतिशय नावडता विषय. पण त्यांच्या या सूक्ष्म अभ्यासामुळे हा विषय, ह्या विषयाचा अभ्यास इतका मनोवेधक, चित्तवेधक आणि रंजक होऊन जातो की इतिहासाला शत्रू मानणारा वाचक/अभ्यासक(माझ्यासारखा)  इतिहासाच्या प्रेमात अखंड बुडून जातो. हा अभ्यास एका वेगळ्याच जादुई दुनियेत घेऊन जातो, जिथून परत यावेसेच वाटत नाही, कधीच! त्यांचे भाषेवरील,शब्दावरील प्रभुत्व तर काय वर्णावे! 

या सगळ्याची झलक दाखविणारी, अतिशय खोल गर्भितार्थ असलेली, मला अतिशय भावलेली काही वाक्य, जास्तीत जास्त वाचकांपर्यंत पोहोचावी, माझ्या सारखा सर्वांनाच हा आनंद अनुभवता यावा अशी माझी इच्छा होती. अर्थातच या उपक्रमासाठी त्यांची पूर्वपरवानगी घेतलेली आहेच. 

तर आनंदी पाऊस सहर्ष सादर करीत आहे "निवडक रा श्री मो"!🙇‍♀️🙇‍♀️🙇‍♀️ 

 

©️आनंदी पाऊस

(निवडक रा श्री मो) 

६ डिसेंबर २०२२