गुढी संमेलन (featured )

गुढी संमेलन 

(featured ) 

                                   कुठलाही बदल एकदम होत नसतो. मग तो नैसर्गिक असो किंवा मानवनिर्मित. कुठेतरी अगदी बारीकशी सुरुवात होते आणि हळूहळू वाढत जाते. थोड्या काळानंतर मागे वळून पाहिले किंवा विचार केला, की मग मोठ्ठा बदल झाल्याचे जाणवते. तसेच काहीसे होतांना मला जाणवले. कारण यावर्षी मीच थोडा बदल केला, गुढी च्या बाबतीत. अर्थातच या आधीच ह्या बदलाची, समाजात सुरुवात झालेली होती. पण हा बदल जेव्हा मी स्वतः सुद्धा अंगीकारला, तेव्हा मला त्याची जागृत जाणीव झाली. अर्थातच तेव्हा पासून माझ्या मनात, मेंदूत, हृदयात, विचारात एक अवस्थता सुरु झाली, सुरूच आहे अद्याप. अजूनही खूप काळ ही सगळी अस्वस्थता असेलच, याबाबतीत. या सगळ्याचा उकल होईपर्यंत. म्हणजे गुढीचा उगम कुठे, कसा झाला? त्याची कारणं काय? त्यासंबंधीची प्रत्येक गोष्ट समजे पर्यंत. मग पुढे जाऊन त्यात काय बदल होत गेले आता पर्यंत, त्याची कारणं काय वगैरे. 

                                              पण, तूर्तास वेगळेच मनात आले, या सगळ्या विचारचक्रामुळे.  गुढी पाडव्याच्या शुभेच्छा देण्याच्या निमित्ताने, तसेच या लिखाणामुळे बऱ्याच मित्र-मैत्रिणी आणि नातेवाईकांनी आपापल्या गुढीची छायाचित्रं  पाठवली मला, पाडव्याच्या दिवशी. ज्यांनी छायाचित्रं पाठविली नव्हती, त्यांना मी मागितले. सण, गुढी पाडवा. त्यासाठी सगळ्यांनी गुढी उभारली आपापल्या घरी. प्रत्येकाने वापरलेले साहित्य सुद्धा जवळ-जवळ सारखेच. पण तरी प्रत्येक गुढी वेगळी दिसते, पण तितकीच सुंदर! तसेच गुढी उभारण्यासाठी प्रत्येकाला उपलब्ध असलेली जागा सुद्धा वेगवेगळी. अगदी शक्य असेल त्या जागेत, गुढी उभारलेली. एकत्रित विचार केल्यावर हे सारेच खूप सुंदर भासले. मग वाटले हा सगळा आनंद आपल्या सगळ्यांपर्यंत पोहचवावा, म्हणून हा प्रपंच! 

                                              तसेच दुसरे असे की, मी गुढी बाबत जो काही बदल स्वीकारला आहे. हाच बदल हळूहळू करत सगळ्यांनीच स्वीकारला तर, गुढी ची ही सगळी  छायाचित्रं म्हणजे दस्तावेजीकरणाचा एक फार महत्वाचा भाग होईल, असे मला वाटले. मग हा भाग सुद्धा या सगळ्या दस्तावेजीकरणात सामील करावासा वाटला. त्याच वेळी एक आशेचा किरण सुद्धा मनात आहेच! या सगळ्या गुढी बघून वाटले, प्रत्येकाला जसे शक्य होईल, जिथे जागा उपलब्ध असेल, तिथे अगदी उत्साहाने गुढी उभारली आहे! त्यामुळे ही गुढीची परंपरा लोप पावणार नाही, याची एक खात्रीच मनाला पटली. पण तरी ह्या सगळ्यातून मला एक खूप छान प्रसन्न आनंद मिळाला. तसाच तुम्हा सगळ्यांना तो मिळेलच आणि तो आनंद तुम्हालाही द्यावा म्हणून हा एक प्रयत्न! या निमित्ताने, हे एक छान संमेलनचं भरले आहे, विविध प्रकारच्या गुढीचे, विविध रंगांचे, विविध रूपाचे, विविध जागेमधील, विविध ठिकाणचे. प्रत्येक गुढी काही सांगू इच्छिते आहे मला, असे वाटले. बघा, त्यातून आनंद लुटा, त्यांच्याशी संवाद साधण्याचा प्रयत्न करा. तुम्हालाही त्यांना काही सांगण्याची इच्छा असेलच. ऐका मनापासून आणि तुम्हालाही त्यांना काही सांगायचे असेल तर तेही सांगा. त्यांनाही ऐकायला नक्कीच आवडेल तुमच्याकडून. तसेच ह्या सगळ्यातून तुमच्या मनात वेगवेगळ्या विचार, भावना, आठवणी येतीलच. इच्छा असली आणि माझ्याशी चर्चा केलीत तर मला फार आवडेल! 

आनंदी पाऊस 

(featured)

७एप्रील२०२२

महाराष्ट्रातील वेगवेगळ्या भागातील गुढी 

एका अतिशय कल्पक आणि सर्जनशील मैत्रिणीची 

धाकट्या आत्याची 

घरी, वाहिनीची 

सख्ख्या मैत्रिणीची 

एका वाहिनीची 

एका जावेची! 

एका उत्कृष्ट अभिवाचक मैत्रिणीची 

सध्याच्या , एका वर्गमैत्रीणीची 

ताईची 

आमच्या अभिवाचन परीक्षक 

ताईंच्या घरी 

माझ्यापेक्षाही लहान असलेल्या आत्याची 

जीवन गुरूंच्या घरची 

एका धाकट्या भावाकडची 

शाळेतील एका वर्ग मैत्रिणीची  

सध्याच्या वर्गमित्राची 

एका मित्राची 

एका मैत्रिणीची 

एका धाकट्या भावाकडे 

एका मैत्रिणीच्या लेकीकडे  

एका धाकट्या बहिणीकडे 

एका धाकट्या भावाकडे

एका धाकट्या बहिणीकडे

शाळेतील एका मैत्रिणीच्या घरी 

एका उत्कृष्ट अभिवाचक मित्राकडे 

काही महाराष्ट्राबाहेरील गुढी 

शाळेतील एक वर्ग मैत्रिणी

 

एका धाकट्या जावेची 

दुसऱ्या धाकट्या जावेची 

एका थोरल्या बहिणीकडे 

एका मित्राच्या मित्राकडे 

भारता बाहेरील गुढी 

एका सहकारी मैत्रिणीकडे 

एका धाकट्या बहिणीकडे 

सगळ्यात पिल्लू आणि लाडक्या बहिणीकडे !